राष्ट्रीय लोकअदालतीमध्ये 179 प्रकरणे निकाली
8 कोटी 21 लाख 89 हजार रुपयांची तडजोड शुल्क वसूल
पंढरपूर /ज्ञानप्रवाह न्यूज, दि.04 – तालुका विधी सेवा समितीच्यावतीने जिल्हा न्यायालय,पंढरपूर येथे राष्ट्रीय लोकअदालतीचे आयोजन करण्यात आले होते.या लोकअदालतीमध्ये १७९ प्रकरणे तडजोडीने मिटविण्यात आली आहेत. या प्रकरणामध्ये एकूण ८ कोटी २१ लाख ८९ हजार ९११ रुपयांची तडजोड झाली असल्याची माहिती तालुका विधी सेवा समितीचे अध्यक्ष तथा जिल्हा व सत्र न्यायाधीश डी.एन. सुरवसे यांनी दिली.
या लोकअदालतीसाठी एकुण ६ पॅनलची व १ नियमित न्यायालयाचे व्यवस्था करण्यात आली होती.जिल्हा न्यायाधीश एस.बी. देसाई, न्यायाधीश ए.ए.खंडाळे, न्यायाधीश एन.एस. बुद्रुक, न्यायाधीश एस.एस.चोपडा, न्यायाधीश श्रीमती एस. एस.राऊळ, न्यायाधीश श्रीमती पी.आर.पाटील, न्यायाधीश श्रीमती एस.ए. साळुंखे यांनी काम पाहिले.
सदरची लोकअदालत प्रमुख जिल्हा व सत्र न्यायाधीश सलमान आझमी यांच्या मार्गदर्शनाखाली आयोजित करण्यात आली होती. त्यासाठी तालुका विधी सेवा समितीचे अध्यक्ष तथा जिल्हा न्यायाधीश डी.एन. सुरवसे,न्यायाधीश श्रीमती एस.एस पाखले यांनी वेळोवेळी बैठका घेवुन पाठपुरावा करुन संपन्न केली.
या लोकअदालतीस विधीज्ञ,बॅंक कर्मचारी, न्यायालयीन कर्मचारी, महावितरणचे अधिकारी व पक्षकार मोठया संख्येने उपस्थित होते.
