Maharashtra Marathi Breaking News Live Today: सार्वजनिक आरोग्य विभागाच्या अधिकृत विधानानुसार, गुइलेन-बॅरे सिंड्रोम (GBS) च्या संशयित प्रकरणांची एकूण संख्या 130 वर पोहोचली आहे, 73 प्रकरणांची पुष्टी झाली आहे.निवेदनात म्हटले आहे की पुष्टी झालेल्या प्रकरणांमध्ये पुणे महानगरपालिका (पीएमसी) मधील 25, पीएमसी अंतर्गत नव्याने समाविष्ट झालेल्या गावांमधील 74, पिंपरी चिंचवडमधील 13, पुणे ग्रामीणमधील नऊ आणि इतर जिल्ह्यातील नऊ यांचा समावेश आहे. राज्यात घडत असलेल्या सर्व घडामोडींवर आम्ही लक्ष ठेवून आहोत. तर बघू आज दिवसभरात काय घडतं ते….
महाकुंभातील चेंगराचेंगरीबाबत संजय राऊत यांनी सरकारवर जोरदार हल्लाबोल केला आहे. ते म्हणतात की त्यांनी दिलेल्या माहितीनुसार 100 हून अधिक लोकांचा मृत्यू झाला आहे आणि शेकडो लोक जखमी झाले आहेत. या चेंगराचेंगरीत अनेक लहान मुले, वृद्ध आणि महिलाही बेपत्ता झाल्याची माहिती संजय राऊत यांनी दिली.
कॅबिनेट मंत्री उदय सामंत यांनी राज्यातील रहिवाशांना त्यांच्या मातृभाषा मराठीत बोलण्यापासून रोखणाऱ्यांवर कठोर धोरण आखण्यावर भर दिला. मराठी भाषा मंत्री म्हणाले की, महाराष्ट्रातील रहिवाशांना त्यांच्या मातृभाषेत संवाद साधण्यापासून रोखण्याचा कोणताही प्रयत्न खपवून घेतला जाणार नाही आणि कठोर कारवाई केली जाईल.
महाराष्ट्राच्या राजकीय वर्तुळात खळबळ माजवणाऱ्या राज ठाकरे यांनी निवडणुकीनंतर मौन तोडले असून अनेक महत्त्वाच्या मुद्द्यांवर त्यांनी खुलेपणाने आपले मत मांडले आहे. महाराष्ट्र नवनिर्माण सेनेचे अध्यक्ष राज ठाकरे यांनी वरळी येथे पक्षाच्या राज्यस्तरीय परिषदेला संबोधित केले. राज यांनी परिषदेतून भारतीय जनता पक्षावर निशाणा साधला आहे. यादरम्यान राज ठाकरे यांनी महाराष्ट्र विधानसभा निवडणुकीच्या निकालाबाबत अनेक प्रश्न उपस्थित केले आहेत.सविस्तर वाचा. ….
मुंबईतील उद्योजक आणि शस्त्र विक्रेताअभिषेक वर्मा एकनाथ शिंदे गटात सामील
महाराष्ट्राचे उपमुख्यमंत्री एकनाथ शिंदे यांच्या शिवसेनेत उद्योजक देखील शामिल होत असून मुंबईतील उद्योजक आणि शस्त्र विक्रेता अभिषेक वर्मा हे देखील एकनाथ शिंदे यांच्या शिवसेनेत शामिल झाले आहे.
गेल्या साडेतीन वर्षांपासून महापालिकेच्या निवडणुकाच झालेल्या नाहीत. एकापाठोपाठ एक महापालिका, जिल्हा परिषद, पंचायत समिती, नगर परिषद, नगर पंचायतींचा कार्यकाळ संपत आला तरी निवडणुका होत नाहीत. ओबीसी आरक्षणाचा मुद्दा सर्वोच्च न्यायालयात आहे. सुनावणीही सुरू आहे.
मुंबई आंतरराष्ट्रीय विमानतळावरील अधिकाऱ्यांनी 2 बेकायदेशीर बांगलादेशींना मुंबईत प्रवेश करताना पकडले. अधिकाऱ्यांनी एका महिलेसह बांगलादेशी नागरिकांना अटक केली आहे. पोलिसांच्या कारवाईदरम्यान त्याच्याकडून दोन पासपोर्टही जप्त करण्यात आल्याची माहिती समोर आली आहे.
बीड जिल्ह्यातील खंडणी प्रकरणात सरपंच देशमुख यांच्या हत्येने राज्यभरातील राजकारण तापले आहे. दरम्यान, महाराष्ट्राचे उपमुख्यमंत्री अजित पवार यांनी गुरुवारी बीड जिल्ह्याचा दौरा केला. सविस्तर वाचा. ….
सार्वजनिक आरोग्य विभागाच्या अधिकृत विधानानुसार, गुइलेन-बॅरे सिंड्रोम (GBS) च्या संशयित प्रकरणांची एकूण संख्या 130 वर पोहोचली आहे, 73 प्रकरणांची पुष्टी झाली आहे.निवेदनात म्हटले आहे की पुष्टी झालेल्या प्रकरणांमध्ये पुणे महानगरपालिका (पीएमसी) मधील 25, पीएमसी अंतर्गत नव्याने समाविष्ट झालेल्या गावांमधील 74, पिंपरी चिंचवडमधील 13, पुणे ग्रामीणमधील नऊ आणि इतर जिल्ह्यातील नऊ यांचा समावेश आहे.सविस्तर वाचा. ….
