शिर्डी साईबाबा मंदिर (साईबाबा समाधी मंदिर) शुक्रवारी 3 तास भाविकांसाठी बंद ठेवण्यात येणार आहे.साई समाधी मंदिरातील साईंच्या संगमरवरी मूर्तीची अचूक प्रतिकृती तयार करण्यासाठी आणि मुर्तीची सद्य स्थितीचे मूल्यांकन करण्यासाठी साईबाबांच्या मूर्तीचे 3D स्कॅनिंग केले जाईल.
मिळालेल्या माहितीनुसार, मुंबईतील छत्रपती शिवाजी महाराज कला संग्रहालयाच्या सूचनेनुसार स्थापन करण्यात आलेल्या तज्ज्ञांची समिती साईबाबांच्या मूर्तीचे थ्रीडी स्कॅनिंगचे काम करणार आहे. ही समिती 20 डिसेंबर रोजी साई मंदिराला भेट देईल आणि मूर्तीचे 3D स्कॅनिंग करेल. त्यामुळे 20 डिसेंबर रोजी साई मंदिर दुपारी 2.45 ते 4:30 या वेळेत दर्शनासाठी बंद राहणार आहे.
साईबाबांच्या मूर्तीचे सर्व बाजूंनी ३६० अंश कोनातून फोटो काढले जातील. त्याच्या मदतीने मूर्तीचे डिजिटल मॉडेल तयार केले जाईल.
शिर्डी साईबाबा मंदिरात येणाऱ्या भाविकांना आता फुले, हार आणि प्रसाद घेता येणार आहे. त्याची परवानगी आजपासून मिळाली आहे. कोविड काळात साई मंदिरात फुले, हार आणि प्रसाद नेण्यास बंदी होती. नंतर मुंबई उच्च न्यायालयाच्या निर्णयानंतर ही बंदी उठवण्यात आली. मात्र फुले, हार आणि प्रसाद विक्रीसाठी नियम व दर निश्चित केले जातील.
Edited By – Priya Dixit
