पुण्यातील निवडुंग विठोबा मंदिर येथे आषाढी एकादशी निमित्त डॉ.गोऱ्हे यांच्या हस्ते आरती संपन्न
पुणे /डॉ अंकिता शहा,१७ जुलै- विधान परिषदेच्या उपसभापती डॉ. नीलम गोऱ्हे यांनी आज दि.१७ जुलै रोजी पुण्यात श्री. विठुरायाचे मनोभावे दर्शन घेतले.
पुण्यात गणेश पेठेतील निवडुंग विठोबा मंदिर येथे आज आषाढी एकादशी निमित्त डॉ.निलम गोऱ्हे यांच्या हस्ते आरती संपन्न झाली.
महाराष्ट्र राज्याचे मुख्यमंत्री एकनाथ शिंदे यांच्या अत्यंत कुशल मार्गदर्शनात या वर्षीची आषाढी एकादशी हर्षोल्लासात साजरी होत असून,पुण्यात देखील डॉ.गोऱ्हे यांच्यासह शिवसैनिकांनी आषाढी एकादशी मनोभावे साजरी केली.
महायुती शेतकऱ्यांसाठी, विद्यार्थ्यांसाठी, सामान्य कामगारांसाठी , महिलांसाठी जे काम करत आहे ते काम अधिक करण्यासाठी बळ मिळो अशी भावना डॉ. गोऱ्हे यांनी व्यक्त केली.नरेंद्र मोदी पुन्हा देशाचे पंतप्रधान झाल्याबद्दल व शिवसेनेचे आठ खासदार निवडून आल्याबद्दल पांडुरंगाचे आशीर्वाद निवडणुकीत आम्हाला मिळाले अशी भावना डॉ.गोऱ्हे यांनी व्यक्त केली.
तसेच मुखमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार जे महाराष्ट्रात विकासाच काम करतायेत त्यासाठी त्यांना आशीर्वाद द्यावा याच्याबद्दल विठुरायाकडे प्रार्थना डॉ.नीलम गोऱ्हे यांनी केली,अशी भावना यावेळी माध्यमांशी बोलताना डॉ.गोऱ्हे यांनी व्यक्त केली.
