सोलापूर:- सोलापूर येथे भाविक वारकरी मंडळाच्या वतीने पार्क चौक, सोलापूर येथे अबू आझमी यांचा जाहीर निषेध व्यक्त करण्यात आला. रस्त्यावर नमाज साठी उत्तर प्रदेश मध्ये योगीनी जे धोरण जाहीर केले त्यावर बोलण्यासाठी त्यांनी वारी व पालखी मार्ग या विषयी उदाहरण दिले ते खूप चुकीचं होत म्हणून त्यांचा निषेध व्यक्त केला. वारी ही केवळ पायी चालत जाणे नसून मार्गांवर असलेली सर्व गावं, वाडी, वस्ती या ठिकाणी आरोग्य , स्वच्छता , पर्यावरण, संस्कार, विवेक, इ. चे बीजारोपण करणारी वारी आहे. म्हणून महाराष्ट्र प्रत्येक जिल्हामध्ये आंदोलन केले जाईल असा इशारा सुधाकर इंगळे महाराज (राष्ट्रीय अध्यक्ष) यांनी या प्रसंगी दिला.
त्यावेळी बोलत असताना वारकरी झेंडा हा काठी सहित असतो प्रसंगी ती काठी आम्ही उलटी करायला कमी करणार नाही असे बळीराम जांभळे महाराज (राष्ट्रीय सचिव) यांनी मत व्यक्त केले.
या प्रसंगी जोतिराम चांगभले (प्रदेश अध्यक्ष), मोहन शेळके (प्रदेश सचिव), बंडोपंत कुलकर्णी ( जिल्हाध्यक्ष), संजय पवार ( शहर अध्यक्ष), अविनाश पाटील, इ. पदाधिकारी उपस्थित होते.
