पंढरपूर शहर पोलीस ठाणे गुन्हे प्रकटीकरण शाखेची धडाकेबाज कामगिरी
पंढरपूर/ज्ञानप्रवाह न्यूज – पंढरपूर शहरामध्ये बाहेरून येवून जिवे ठार मारण्याचा कट करणाऱ्यांना ताब्यात घेवुन गुन्हे प्रकटीकरण शाखेने केले ०१ पिस्टल,०३ जिवंत काडतुस, ०१ तलवार व ०१ चाकु जप्त केला.
पंढरपूर शहर पोलीस ठाणे हद्दीत गुन्हे प्रतिबंध करणे करीता दि.२६/१२/२०२४ रोजी रात्री गस्त करीत असताना कराड रोड लगतच्या श्रेयश पॅलेसच्या बाजुला असलेल्या मोकळ्या मैदानात एक कार अंधारात संशयितपणे थांबवलेली दिसली. त्याचा संशय आल्याने सदरचे वाहनाजवळ जावून पाहिले असता त्यामध्ये तीन इसम बसलेले दिसले.
बसलेल्या इसमांना आपण येवढ्या रात्री येथे काय करीत आहात ? गाडीमध्ये कोण कोण आहे ? तसेच सदरच्या कारला आपण पाठीमागे नंबर प्लेट का लावलेली नाही असे विचारले असता सुरवातीला त्यांनी कोणत्याही प्रश्नांची उत्तरे दिली नाहीत, आत मध्ये बसलेल्या इसमांना खाली उतरण्यास सांगितले असता सदर इसम हे खाली उतरून पळून जाण्याचा प्रयत्न करीत असताना त्यांना जागीच पकडले.त्यांचेकडे नाव पत्ता याबाबत विचारणा केली असता तसेच मिळून आलेली स्विफ्ट कार चेक केली असता त्यामध्ये बेकायदेशीर अवैध शस्त्र मिळुन आल्याने त्यांचेकडे सदर शस्त्रांबाबत अधिक चौकशी केली असता वेळापुर येथे राहण्यास असलेला इसम हा पंढरपूर येथे पळुन आला आहे व त्याचा आम्ही शोध घेत आहोत असे सांगितले.तसेच यातील आरोपी क.०१ याचे पुर्व वैमनस्य असल्याचे त्याने कबुल केल्याने त्यांच्यावर पंढरपुर शहर पोलीस ठाणे गु.र.नं. ७७८/२०२४ महा.पोलीस कायदा कलम १३५ व बी.एन.एस २०२३ चे कलम ३ (५) ६१(२) प्रमाणे गुन्हा दाखल करण्यात आला आहे.
मिळून आलेल्या आरोपींची नावे- सुखदेव खाशाबा दिडवाघ रा.शिक्षक कॉलनी, म्हसवड ता माण जि सातारा,करण बच्चाराम मदने रा.भवानी पेठ खटाव ता.खटाव जि. सातारा, दिपक दत्तु रूपनवर रा.धुळदेव जि. सातारा अशी असून त्यांच्याकडून जप्त करण्यात आलेली हत्यार – ०१ स्टीलचा रामपुरी धारदार चाकु,०१ धारदार तलवार,०१ गावठी ७.६५ एमएमची पिस्टल व ०३ जिवंत काडतुसे,एक पांढर्या रंगाची स्वीफ्ट कार मागे नंबर प्लेट नसलेली व पुढे क्रमांक एमएच ०६ एडब्ल्यु १३५५
सदरची कामगिरी ही सोलापूर ग्रामीणचे पोलीस अधिक्षक अतुल कुलकर्णी,सोलापूर ग्रामीणचे अपर पोलीस अधिक्षक प्रितम कुमार यावलकर,पंढरपूर विभागाचे उपविभागीय पोलीस अधिकारी डॉ.अर्जुन भोसले,पंढरपूर शहर पोलीस ठाण्याचे वरिष्ठ पोलीस निरीक्षक विश्वजीत घोडके यांचे मार्गदर्शनाखाली गुन्हे प्रकटीकरण शाखेचे सहायक पोलीस निरीक्षक आशिष कांबळे, स.पो.फौ. राजेश गोसावी, स.पो. फौ.शरद कदम,पो.ह.सुरज हेंबाडे, पो.ह.सचिन हेंबाडे, पो.ह.प्रसाद औटी,पो.ह.विठ्ठल विभुते,पो.ह.दादा माने, पो.शि.शहाजी मंडले,पो.शि. समाधान माने,पो.कॉ.बजरंग बिचुकले, पो.कॉ. निलेश कांबळे, चालक पो.का. बडे तसेच सायबर शाखा सोलापुर ग्रामीणचे पो.शि. रतन जाधव यांनी केली आहे.
