त्यांच्या सन्मानासाठी मी माझ्या आयुष्यातील शेवटच्या श्वासापर्यंत कटिबद्ध – माजी विरोधी पक्ष नेते अनुप शहा

त्यांच्या सन्मानासाठी मी माझ्या आयुष्यातील शेवटच्या श्वासापर्यंत कटिबद्ध – माजी विरोधी पक्ष नेते अनुप शहा

माजी खा.रणजितसिंह नाईक निंबाळकर यांच्या नेतृत्वाखाली भाजपा फलटण शहर व माऊली फौंडेशनच्यावतीने रक्षाबंधन कार्यक्रम

फलटण/ज्ञानप्रवाह न्यूज,दि.०३/०९/२०२४ : फलटण शहर व परिसरातील ज्या महिलांनी आज रक्षाबंधनाच्या निमित्ताने मला राखी बांधली आहे त्यांच्या सन्मानासाठी मी माझ्या आयुष्यातील शेवटच्या श्वासापर्यंत कटिबद्ध राहणार असल्याचे मत फलटण नगरपरिषदेचे माजी विरोधी पक्ष नेते अनुप शहा यांनी व्यक्त केले.यावेळी या रक्षाबंधन कार्यक्रमाचा जिल्हा नियोजन समितीच्या सदस्या ॲड.सौ.जिजामाला रणजितसिंह नाईक निंबाळकर यांच्याकडून राखी बांधून शुभारंभ करण्यात आला.

फलटणच्या नवलभाई मंगल कार्यालय येथे माजी खासदार रणजितसिंह नाईक निंबाळकर यांच्या नेतृत्वाखाली भारतीय जनता पार्टी फलटण शहर व माऊली फौंडेशनच्यावतीने रक्षाबंधन कार्यक्रम आयोजित करण्यात आला होता त्यावेळी अनुप शहा बोलत होते.

यावेळी बोलताना अनुप शहा म्हणाले की, फलटणच्या गावठाणामधील बहीणांना कोणत्याही व कसल्याही प्रकारची अडचण आली तर हा अनुप शहा त्यांच्यासोबत पूर्ण ताकदीने उभा राहणार आहे.शहरातील बहिणींसाठी काम करीत असताना कोणत्याही शासकीय योजना या अगदी त्यांच्याकडे कार्यरत होत आहेत की नाही हे सुद्धा आम्ही नेहमी बघत आलो आहे. माजी खासदार रणजितसिंह यांच्या माध्यमातून फलटण शहरातील भगिनींना विविध योजनांचा लाभ देण्याचे काम केले आहे व यापुढे सुद्धा आम्ही कार्यरत राहणार आहे.

नवलभाई मंगल कार्यालय येथे आयोजित रक्षाबंधन कार्यक्रमात तब्बल 1500 भगिनींनी सहभाग घेतला होता.