ज्ञानदीप प्रज्वलित : अध्यापक विद्यालय, पंढरपूरमध्ये महापरिनिर्वाण दिनाचे प्रेरणादायी आयोजन
ज्ञानदीप पेटला,अध्यापक विद्यालयात महापरिनिर्वाण दिन प्रेरणादायी वातावरणात साजरा
पंढरपूर/ज्ञानप्रवाह न्यूज,दि.६ डिसेंबर २०२५ – महामानव भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त अध्यापक विद्यालय पंढरपूर येथे अत्यंत श्रद्धाभावाने आणि अनुशासनपूर्ण वातावरणात कार्यक्रम पार पडला.
कार्यक्रमाची सुरुवात विद्यालयाचे प्राचार्य डॉ.एच.आर. वाघमारे यांच्या हस्ते डॉ. बाबासाहेब आंबेडकर यांच्या प्रतिमेच्या पूजनाने झाली. यावेळी त्यांनी विद्यार्थ्यांना संविधान निर्माता डॉ.आंबेडकरांच्या कार्याचे स्मरण करून दिले.
यानंतर विद्यालयाचे प्राध्यापक प्रा. गंगथडे सर यांनी विद्यार्थ्यांना बाबासाहेबांचे जीवनकार्य, संघर्ष, सामाजिक सुधारणा आणि भारतीय लोकशाहीतील महत्त्वपूर्ण योगदान याविषयी सविस्तर माहिती दिली. त्यांच्या माहितीपूर्ण प्रास्ताविकाने विद्यार्थ्यांमध्ये जाणिवा आणि प्रेरणा निर्माण झाली.
पुढे सर्व विद्यार्थ्यांनी डॉ. बाबासाहेब आंबेडकर यांच्या प्रतिमेस अभिवादन करून समाजासाठी प्रेरणास्थान ठरलेल्या महामानवाला आदरांजली वाहिली.कार्यक्रमाचा समारोप शांततेत आणि मौन पाळून करण्यात आला.
