श्री संत ज्ञानेश्वर महाराज,श्री संत तुकाराम महाराज पालखी सोलापूर लोकसभा मतदारसंघात प्रवेश करताना वाखरी येथे पालख्यांचे स्वागत खासदार प्रणितीताई शिंदे यांनी केले
पंढरपूर/ज्ञानप्रवाह न्यूज – श्री संत ज्ञानेश्वर महाराज,श्री संत तुकाराम महाराज पालखी सोलापूर लोकसभा मतदारसंघात प्रवेश करताना वाखरी येथे पालख्यांचे स्वागत खासदार प्रणितीताई शिंदे यांनी केले.
डोळ्याचं पारणं फेडणाऱ्या बाजीराव विहीर वाखरी येथील रिंगण सोहळ्यात खासदार प्रणितीताई शिंदे सहभागी होऊन नेत्रदीपक असा वारीचा रिंगण सोहळा अनुभवला.
संतश्रेष्ठ ज्ञानेश्वर महाराज पालखी सोहळ्यात बाजीराव विहीर येथे उभे रिंगण अतिशय उत्साहात पार पाडले. पांडुरंगाच्या भेटीची आस लागलेले असंख्य वारकरी ओठांवर विठ्ठलाचे नाव, हातात टाळ-मृदुंग-पताका पायांना लागलेली पंढरीची ओढ हे सगळं पाहूंन मनाला अध्यात्मिक शांती लाभते. हा सुख सोहळा स्वर्गी नाही याची पावलोपावली प्रचिती देणारा आहे. आज बाजीराव विहीर वाखरी येथे डोळ्याचे पारणे फेडणारा नेत्रदिपक असा माऊलींचा रिंगण सोहळा… श्रद्धा व शिस्तीचे दर्शन घडवणारा अनुपम सोहळा .. याची डोळा याची नयनी अनुभवण्यासाठी खासदार प्रणितीताई शिंदे या लाखो वारकऱ्यांच्या सोबत आनंद सोहळ्यात सहभागी झाल्या होत्या.
यानंतर खासदार प्रणितीताई शिंदे, कॉंग्रेस प्रदेशाध्यक्ष नाना पटोले यांनी वारकरी व गावकरी यांच्यासमवेत पायी चालत वारीचा विलक्षण सोहळा अनुभवला.
यावेळी चेतन नरोटे,अमर सूर्यवंशी,संदीप पाटील, मनोज यलगुलवार, किरण घाडगे, नितीन शिंदे, पिंटू भोसले, राहुल पाटील, संदीप शिंदे, बाळासाहेब आसबे यांच्यासह इतर मान्यवर सोबत उपस्थित होते.
