पंढरपुरातील खराब रस्ते दुरूस्त करा युवक कॉंग्रेसची मुख्याधिकारी यांच्याकडे मागणी
पंढरपूर /ज्ञानप्रवाह न्यूज,दि.०९/१०/२०२४- पंढरपूर शहरातील विविध रस्ते अत्यंत खराब झाले असून मोठे मोठे खड्डे पडले आहेत. याबाबत पंढरपूर शहर युवक कॉंग्रेसचे अध्यक्ष संदिप शिंदे यांच्यावतीने पंढरपूर नगरपरिषदेचे मुख्याधिकारी यांना निवेदन देण्यात आले.
यात शहरातील केबीपी कॉलेज चौक, सरगम चौक, इंदिरा गांधी चौक भोसले चौक सावरकर चौक,स्टेशन रोड परिसर तसेच अर्बन बॅंक ते उपजिल्हा रूग्णालयकडे जाणारा रस्ता हा पुर्णपणे खराब झाला असून खुप खड्डे पडलेले आहेत.त्यामुळे तेथून ॲम्बुलन्सला जाताना अडथळा निर्माण होत असून त्यामध्ये एखाद्या सिरीअस पेशंटचा जीव जाण्याचा धोका निर्माण झाला आहे. वारंवार त्या रस्त्याने ॲम्बुलन्स येत जात असतात. त्यामुळे लवकरात लवकर वरील रस्त्यासह शहरातील खराब रस्ते दुरूस्त करावेत किंवा नवीन करण्यात यावेत.
लवकरात लवकर रस्ते चांगले रस्ते तयार झाले नाही तर पंढरपूर नगरपालिकेसमोर तीव्र आंदोलन करण्यात येईल असा इशारा पंढरपूर शहर युवक कॉंग्रेसचे अध्यक्ष संदिप शिंदे यांनी दिला.
यावेळी युवक कॉंग्रेसचे जिल्हाध्यक्ष सुनंजय पवार ,शहराध्यक्ष अमर सुर्यवंशी,शहर उपाध्यक्ष रवी अग्रवाल,समाधान पोळ, महेश अधटराव, शिवकुमार भावलेकर, संग्राम मुळे युवक कॉंग्रेस पंढरपूर मंगळवेढा विधानसभा अध्यक्ष सोमनाथ आरे , सेवादल अध्यक्ष गणेश माने ,सुरज मुळे आदिंसह कार्यकर्ते उपस्थित होते.
