ठाणे जिल्ह्यात एक खळबळजनक घटना समोर आली आहे. शहरातील दुर्गम भागात एका वृद्धाचा मृतदेह सुटकेसमध्ये आढळून आला आहे. यानंतर परिसरात घबराट निर्माण झाली होती. माहिती मिळताच पोलिसांनी या प्रकरणाचा तपास सुरू केला आहे. एका अधिकाऱ्याने शुक्रवारी ही माहिती दिली.
मिळालेल्या माहितीनुसार गुरुवारी कल्याण तालुक्यातील वरप गावाजवळ हा मृतदेह आढळून आला. अधिका-याने सांगितले की, एक प्रवासी त्या ठिकाणी शौच करण्यासाठी गेला होता, जेव्हा त्याला सुटकेस दिसली. कुतूहल म्हणून एका वाटसरूने सुटकेस उघडली असता त्याला 60-70 वर्षांच्या वृद्धाचा मृतदेह आढळून आला.
पोलिस अधिकाऱ्याने सांगितले की, माहिती मिळताच पोलिस आणि 'श्वान पथक' घटनास्थळी रवाना झाले. मृतदेह शवविच्छेदनासाठी शासकीय रुग्णालयात पाठवण्यात आला. या प्रकरणाचा तपास सुरू असल्याचे त्यांनी सांगितले.
