आ.आवताडे यांच्या प्रयत्नाने राज्यातील पहिल्या मराठा समाज भवनाचा पंढरीत पायाभरणी शुभारंभ संपन्न
पंढरपूर/ज्ञानप्रवाह न्यूज,दि.१७/०७/२०२४ – मराठा समाजासाठी उभारण्यात येणारे राज्यातील पहिले मराठा भवन पंढरपूरमध्ये साकारण्यात येत असून या मराठा भवनाच्या मंजुरीपासून ते पायाभरणी शुभारंभपर्यंत आमदार समाधान आवताडे यांनी सरकारकडे पाठपुरावा केल्यामुळे पाच कोटी रुपये शासनाने मंजूर केले आहेत.हा निधी कमी पडत असून आणखी दहा कोटी ची मागणी समाधान आवताडे यांनी सकल मराठा समाजबांधवां च्यावतीने केली असून त्या निधीची तरतूद ही करण्यात येणार असल्याचे मुख्यमंत्री एकनाथ शिंदे यांनी जाहीर केले आहे.
22 नोव्हेंबर 2023 रोजी उपमुख्यमंत्री देवेंद्र फडणवीस कार्तिकी एकादशीच्या पूजेसाठी पंढरपूर येथे आले असता सकल मराठा समाज पंढरपूर यांच्यावतीने देवेंद्र फडणवीस यांना मराठा भवनाचे निवेदन देण्यात आले होते.त्याचबरोबर 15 डिसेंबर 2023 रोजी आमदार समाधान आवताडे यांनी रात्री बारा वाजता मराठा भवन व सारथीच्या केंद्र उभारणीची मागणी अधिवेशनामध्ये केली होती.
2 फेब्रुवारी 2024 रोजी गजानन महाराज मठाच्या पाठीमागील जागा मराठा भवनासाठी देण्यात यावी यासाठी पत्रव्यवहारही करण्यात आला होता त्याच बरोबर पालकमंत्री चंद्रकांत दादा पाटील यांनीही वेळीवेळी पाठपुरावा केला. त्यानुसार जिल्हाधिकाऱ्यांनी 27 जून 2024 रोजी मराठा भवनासाठी निधी मंजूर केला असल्याचे घोषित केले.
17 जुलै रोजी मुख्यमंत्री एकनाथ शिंदे यांच्या हस्ते मराठा भवनाचा पायाभरणी शुभारंभ करण्यात आला असून लवकरच हे भवन साकार होणार असल्याने मराठा समाज बांधवांनी आ.समाधान आवताडे यांचे आभार मानले आहेत.
याप्रसंगी मर्चंट बँकेचे चेअरमन नागेश भोसले,मा.नगराध्यक्षा सौ साधना ताई भोसले,दिपक वाडदेकर,महेश साठे,महेश डोंगरे,अमरजीत पाटील,किरण भोसले, संतोष कवडे, दत्तात्रय काळे,अनिकेत देशमुख,शंकर सुरवसे,भास्कर जगताप, सुमित शिंदे,संदीप पाटील,शरद चव्हाण सर,आबा देशमुख,बापूसाहेब कदम आदी मान्यवर उपस्थित होते.
