पंढरपुर शहर गुन्हे प्रकटीकरण शाखेची गांजा वाहतुकीवर पुन्हा धडाकेबाज कारवाई
३२ किलो गांजा व कार सह १४,४२,६८० रू किंमतीचा मुद्देमाल जप्त
पंढरपूर/ ज्ञानप्रवाह न्यूज,दि.२४/०२/२०२५ – दि. २३/०२/२०२५ रोजी गुन्हे प्रकटीकरण शाखेचे अंमलदार व महिला पोलीस अंमलदार हे व्हिआयपी बंदोबस्ताचे अनुशंगाने पंढरपुर शहरात पेट्रोलिंग करीत असताना त्यांना मंगळवेढा पंढरपुर रोडवरील लिंगायत स्मशानभुमी समोर रोडवर अंधार्या जागेत एक पांढर्या रंगाची ह्युंडाई कंपनीची आय २० गाडी नं एमएच १३ बीएन ९६२२ ही गाडी रात्रौ ०८/४५ वाजण्याचे सुमारास संशयास्पदरितीने उभी असलेली दिसली. सदर गाडीचा संशय आलेने संशयित गाडीस पोलीस पथकाने यांनी गराडा घातला त्यावेळी त्यात गाडी चालक व त्याचेसोबत मागील सीटवर गाडीत आणखीन तीन महिला बसलेल्या दिसल्या.
सदर संशयितांकडे अधिकची चौकशी केली असता सदर गाडीच्या डिक्कीमध्ये काही सिलबंद पॉकेट दिसली.सदर गाडीतील सिलबंद पाकीटे पाहिली असता त्याचा उग्र व आंबट वास येत असलेने सदरची पांढर्या रंगाची ह्युंडाई कंपनीची आय २० गाडी नं एमएच १३ बीएन ९६२२ ही गाडीसह संशयित तीन महिला व एक पुरुष यांना घेवून पुढील चौकशीकामी पंढरपुर शहर पोलीस ठाणे येथे आणुन अधिकची चौकशी केली असता सदर गाडीमध्ये तब्बल ३२.१३४ किलो ग्रॅम वजनाचा ६,४२,६८०/- रू किं.चा गांजा असलेने त्यांचे विरोधात पंढरपुर शहर पोलीस ठाणे गुन्हा रजि नं १२७/२०२५ एनडीपीएस कायदा कलम २० (ब) ii (क) अन्वये गुन्हा दाखल केला असुन यामध्ये अमोल हणमंत पवार रा.गाताडे प्लॉट पंढरपुर जि. सोलापुर, सुरेखा प्रांत पवार रा.गाताडे प्लॉट,पंढरपुर जि.सोलापुर, मैनाबाई महादेव जाधव रा. बेघर वस्ती, तुंगत ता.पंढरपुर जि.सोलापुर, आक्काताई प्रल्हाद चव्हाण रा.मारूती मंदिराशेजारी, देगाव ता.पंढरपुर अशा ०३ महिला व ०१ पुरुष आरोपीसह एकुण ०४ आरोपींना अटक केलेले आहे.
सदर आरोपींकडुन पुढीलप्रमाणे मुद्देमाल जप्त करणेत आलेला आहे – ६,४२,६८०/- रू.अंदाजे किंमतीचा प्रतिबंधित गांजा, ८,००,०००/- रू किं एक पांढरे रंगाची ह्युंडाई कंपनीची आय २० गाडी नं एमएच १३ बीएन ९६२२ असा एकुण १४,४२,६८०/- किंमतीचा मुद्देमाल आरोपी व कार सह ताब्यात घेण्यात आला आहे.
ही उल्लेखनीय कामगीरी सोलापूर ग्रामीणचे पोलीस अधिक्षक अतुल कुलकर्णी,अप्पर पोलीस अधिक्षक प्रितमकुमार यावलकर, उपविभागीय पोलीस अधिकारी पंढरपूर विभाग डॉ.अर्जुन भोसले व वरिष्ठ पोलीस निरीक्षक विश्वजीत घोडके पंढरपूर शहर पोलीस ठाणे यांचे मार्गदर्शनाखाली पंढरपुर शहर गुन्हे प्रकटीकरण शाखेचे प्रभारी सपोनि आशिष कांबळे ,पोसई राजेश गोसावी, सपोफौ शरद कदम, कल्याण ढवणे, सुरज हेंबाडे, सिरमा गोडसे, सचिन हेंबाडे, प्रसाद औटी,पोलीस नाईक सचिन इंगळे,पोकॉ शहाजी मंडले,समाधान माने,बजरंग बिचकुले,निलेश कांबळे,मपोका रेश्मा सांगोलकर, सायबर सेलचे रतन जाधव यांनी केली असून पुढील तपास सपोनि भारत वाघे हे करीत आहेत.
