पत्रकार सुरक्षा समितीचे अध्यक्षपदी लखन साळुंखे तर उपाध्यक्षपदी नागेश काळे
पत्रकार सुरक्षा समितीच्या तालुका अध्यक्षपदी दत्ताजीराव पाटील यांची निवड
पंढरपूर /ज्ञानप्रवाह न्यूज,दि.०३/०१/२०२५ – पत्रकारांसाठी अहोरात्र झटणाऱ्या पत्रकार सुरक्षा समितीची पंढरपूर नूतन कार्यकारणीची निवड पत्रकार सुरक्षा समितीचे संस्थापक अध्यक्ष यशवंत पवार व मान्यवरांचे उपस्थितीत करण्यात आली.
यावेळी व्यासपीठावर ज्येष्ठ मार्गदर्शक अतुल बहिरट सर,ज्येष्ठ पत्रकार नंदकुमार देशपांडे, अशोक डोळ सर, उद्योजक जयंत पुराणिक, पत्रकार सुरक्षा समितीचे प्रदेश कार्यकारी अध्यक्ष रामचंद्र सरवदे,मावळते अध्यक्ष चैतन्य उत्पात उपस्थित होते.
कार्यक्रमाच्या सुरुवातीला मान्यवरांचे स्वागत करण्यात आले.आलेल्या प्रमुखआतिथींचा पंढरपूर सुरक्षा समितीच्या वतीने स्वागत व सन्मान करण्यात आला. तदनंतर नूतन सर्व पदाधिकाऱ्यांचा सन्मान मान्यवरांच्या हस्ते संपन्न झाला.
प्रास्ताविकात पत्रकार सुरक्षा समितीचे प्रदेश कार्यकारी अध्यक्ष रामचंद्र सरवदे यांनी संघटनेचे ध्येय धोरण व पत्रकारांवरील होणाऱ्याअन्यायाविरुद्ध केलेल्या आंदोलन उपोषणाबाबत माहिती दिली.
यावेळी मार्गदर्शन करताना अतुल बहिरट सर यांनी प्रिंट मीडिया व डिजिटल मीडिया यात होत असलेल्या बदलांबद्दल पत्रकार बांधवांना मार्गदर्शन केले.
नंदू मामा देशपांडे यांनी पत्रकार क्षेत्रात कोणत्याही अडचणी आल्यास सर्व पत्रकार बांधवांच्या मदतीला धावून येण्याचे आश्वासन दिले.
अशोक डोळ सर यांनी पत्रकारांच्या समस्या व त्यावरील उपाय याबद्दल मार्गदर्शन केले.
पंढरपूर शहर नूतन अध्यक्ष लखन साळुंखे यांचा सत्कार अतुल बहिरट सर यांच्या हस्ते करण्यात आला.नूतन उपाध्यक्ष नागेश काळे यांचा सत्कार उद्योजक जयंत पुराणिक यांच्या हस्ते करण्यात आला .
पंढरपूर शहर व कार्यकारीणी पुढील प्रमाणे –
चैतन्य उत्पात-जिल्हा समन्वयक, खानसाब मुलानी – जिल्हा उपाध्यक्ष पंढरपूर विभाग,शहराध्यक्ष – लखन साळुंखे, उपाध्यक्ष- नागेश काळे, कार्याध्यक्ष – बाहुबली जैन, सचिव – रवींद्र शेवडे, सहसचिव – विश्वास पाटील,खजिनदार – राहुल रणदिवे,शहर समन्वयक – प्रकाश इंगोले, शहर संपर्कप्रमुख – अशोक डोळ सर,प्रसिद्धी प्रमुख – रामकृष्ण बिडकर, सदस्य – जयंत पुराणिक आदींची निवड करण्यात आली.
तालुका अध्यक्षपदी – दत्ताजीराव पाटील, कार्याध्यक्ष – ज्ञानेश्वर शिंदे, सचिव – रोहित जाधव, सहसचिव- पिंटू जाधव, खजिनदार – गणेश देशमुख, तालुका संपर्कप्रमुख – प्रदीप आसबे, प्रसिद्धी प्रमुख – संतोष चंदनशिवे, सदस्य – शांतीभूषण झेंडे आदींची निवड करण्यात आली.
या कार्यक्रमाचे प्रास्ताविक व सूत्रसंचालन रवींद्र शेवडे यांनी केले.आभार प्रदर्शन रामकृष्ण बिडकर यांनी केले.
