न्याय आपल्या दारी: तालुक्यात फिरते लोक अदालत व कायदेविषयक शिबिर
पंढरपूर /ज्ञानप्रवाह न्यूज,ता.१८/१०/२०२४- समाजातील तळागाळातील लोकांना न्याय मिळावा हे उद्दिष्ट डोळ्यासमोर ठेवून सर्वोच्च न्यायालयाच्या न्याय आपल्या दारी या संकल्पनेतून सुरू केलेल्या फिरते लोक अदालत व कायदेविषयक शिबिराचे आयोजन राज्य विधी सेवा प्राधिकरण यांच्या आदेशान्वये पंढरपूर तालुक्यातील वाखरी, गोपाळपुर व गुरसाळे या गावांमध्ये दि.२५ ऑक्टोबर ते ४ नोव्हेंबर २०२४ या कालावधीत करण्यात आलेले आहे.
फिरते लोक आदालत तालुक्यातील वाखरी, गोपाळपुर व गुरसाळे गावात फिरून न्यायालयात प्रकरणे तडजोडीने निकाली काढण्यात येणार आहेत.तसेच कायदे विषयक शिबिराद्वारे जनजागृती केली जाणार आहे. सदर फिरते लोक अदालत यशस्वी करण्यासाठी संबंधित गावातील नागरिकांनी सहकार्य करावे व जास्तीत जास्त लाभ घेवून तडजोड योग्य प्रकरणे आपसात मिटवावी असे आवाहन. तालुका विधी सेवा अध्यक्ष समिती , तथा जिल्हा व सत्र न्यायाधीश डि.एन.सुरवसे यांनी केले आहे.
