सांस्कृतिक कार्यमंत्री आशिष शेलार यांनी घेतले श्री विठ्ठल रुक्मिणी मातेचे दर्शन
पंढरपूर,दि 21:- राज्याचे माहिती तंत्रज्ञान व सांस्कृतिक कार्य मंत्री आशिष शेलार यांनी आज पंढरपूर येथील श्री विठ्ठल- रुक्मिणी मातेचे दर्शन घेतले.
यावेळी मंदिर समितीच्यावतीने मंदिर समितीचे सदस्य ज्ञानेश्वर महाराज देशमुख जळगांवकर व शकुंतला नडगिरे यांच्या हस्ते शाल व श्री विठ्ठल-रुक्मिणीची मूर्ती देवून सत्कार करण्यात आला.
यावेळी मंदीर समितीचे व्यवस्थापक मनोज श्रोत्री, लेखाधिकारी मुकेश अनेचा यांच्यासह युवा नेते प्रणव परिचारक,भाजपा तालुकाध्यक्ष भास्कर कसगावडे आदींसह मान्यवर पदाधिकारी उपस्थित होते.
