Photo Credit: X
भारतीय फलंदाज विराट कोहली पत्नी अनुष्का शर्मा आणि दोन मुलांसह प्रेमानंद महाराजांच्या आश्रमात पोहोचले आहे. ऑस्ट्रेलिया दौऱ्यावरून परतल्यानंतर कोहली आणि अनुष्का वृंदावन येथील प्रेमानंद गोविंद शरण जी महाराज यांच्या आश्रमात पोहोचले आणि त्यांचे आशीर्वाद घेतले. कोहली गेल्या काही काळापासून खराब फॉर्ममधून जात असून ऑस्ट्रेलिया दौऱ्यातही तो धावा काढण्यासाठी झगडत असल्याची माहिती आहे.
सोशल मीडियावर व्हायरल होत असलेल्या या व्हिडिओला लाखो लोकांनी लाईक केले आहे. प्रेमानंद महाराजांच्या अधिकृत इंस्टाग्राम हँडलवर एक व्हिडीओ पोस्ट करण्यात आले आहे. या व्हिडीओ मध्ये विराट कोहली आणि अनुष्का आपल्या दोन मुलांसोबत प्रेमानंद महाराजांना भेटायला आले असून अनुष्का प्रेमानंद महाराजांशी बोलत आहे. दोघांनी आश्रमात आल्यावर प्रेमानंद महाराजांचे पायापडून आशीर्वाद घेतले. प्रेमानंद महाराजांनी कोहलीला आल्यावर विचारले तू खुश आहे का? या वर विराटने होय म्हणून उत्तर देत स्मितहास्य केले.
यावेळी अनुष्काने प्रेमानंद महाराजांना सांगितले की, जेव्हा ती मागच्या वेळी इथे आली होती तेव्हा तिला काही प्रश्न विचारायचे होते, पण तिथे उपस्थित असलेल्या प्रत्येकाने असेच काही प्रश्न विचारले होते जे तिला विचारायचे होते. अनुष्का प्रेमानंद महाराजांना म्हणाली, 'तुम्ही मला फक्त प्रेम भक्ती द्या.' यावर प्रेमानंद महाराज म्हणाले, 'तो खूप शूर आहे कारण हा सांसारिक मान मिळाल्यावर भक्तीकडे वळणे कठीण आहे.
त्याच्यावर (कोहली) भक्तीचा विशेष प्रभाव पडेल असे आम्हाला वाटते. यावर अनुष्का म्हणाली, 'भक्तीपेक्षा वरचे काहीही नाही.' तेव्हा प्रेमानंद महाराज हसले आणि म्हणाले, हो, भक्तीपेक्षा वरचे काही नाही. देवावर विश्वास ठेवा, त्याचे नामस्मरण करा आणि खूप प्रेम आणि आनंदाने जगा.
पर्थ कसोटीच्या दुसऱ्या डावात त्याने शतक झळकावले, पण त्यानंतर त्याची लय ढासळली. बॉर्डर-गावसकर ट्रॉफीदरम्यान ऑफ-स्टंपच्या बाहेर चेंडू गेल्याने कोहलीला सतत त्रास होत होता आणि एकूण आठ वेळा तो अशा चेंडूंवर बाद झाला होता. त्याने पाच सामन्यात 23.75 च्या सरासरीने 190 धावा केल्या. कोहलीच्या कसोटीतील भवितव्याबाबतही चर्चा सुरू झाली आहे.
Edited By – Priya Dixit
