अन्नछत्रासाठी भाविकाकडून एक लाखाची देणगी
पंढरपूर/ ज्ञानप्रवाह न्यूज,दि.०१/०५/२०२४- श्री विठ्ठल रुक्मिणी मंदिर समिती मार्फत पंढरपुरात येणाऱ्या भाविकांसाठी श्री संत तुकाराम भवन येथे मोफत अन्नछत्र सुरू असून या अन्नछत्रात इच्छुकांना अन्नदान करण्यासाठी समितीच्यावतीने अन्नछत्र सहभाग योजनाही सुरु करण्यात आली आहे.
या योजनेअंतर्गत कै. व्यंकटराव विश्वनाथ जवादवार व कै.मुंभाबाई व्यंकटराव जवादवार यांच्या स्मरणार्थ गणपत व्यंकटराव जवादवार रा.नांदेड यांनी 1लाख 11 हजार 111 रूपये इतकी देणगी दिली आहे.
मंदिर समितीच्या वतीने श्री.जवादवार यांचा श्रीची प्रतिमा, दैनंदिनी, दिनदर्शिका व उपरणे देऊन सहाय्यक विभाग प्रमुख श्रीमती मनीषा जायकर व प्रकाश पाटील यांच्या हस्ते सन्मान करण्यात आला.
मंदिर समितीच्या अन्नछत्र सहभाग योजनेत किमान सात हजार रुपये व त्यापेक्षा जास्त रक्कम दिल्यास इच्छित दिवशी अन्नछत्रात अन्नदान करता येते.
