भारतीय क्रिकेट नियामक मंडळाने देशांतर्गत स्तरावरील सर्व महिला आणि कनिष्ठ क्रिकेट स्पर्धांमध्ये 'प्लेअर ऑफ द मॅच' आणि 'प्लेअर ऑफ द टूर्नामेंट' पुरस्कार विजेत्यांना बक्षीस रक्कम जाहीर केली.
सोशल मीडियावरील एका पोस्टमध्ये, बीसीसीआयचे सचिव जय शाह यांनी जाहीर केले की पुरुष क्रिकेटमधील विजय हजारे आणि सय्यद मुश्ताक अली स्पर्धेतील 'प्लेअर ऑफ द मॅच'ला बक्षीस रक्कम दिली जाईल. यामुळे खेळाडूंना चांगली कामगिरी करण्यास प्रोत्साहन मिळेल.
जय शाह यांनी ट्विट केले की आम्ही आमच्या देशांतर्गत क्रिकेट कार्यक्रमाचा एक भाग म्हणून सर्व महिला आणि ज्युनियर क्रिकेट स्पर्धांमध्ये प्लेअर ऑफ द मॅच आणि प्लेअर ऑफ द टूर्नामेंटसाठी बक्षीस रक्कम सादर करत आहोत. याशिवाय विजय हजारे आणि सय्यद मुश्ताक अली सिनियर पुरुष स्पर्धेतील सामनावीरासाठी बक्षीस रक्कम दिली जाईल. देशांतर्गत सर्किटमधील सर्वोत्कृष्ट कामगिरी ओळखणे आणि त्यांना बक्षीस देणे हे या उपक्रमाचे उद्दिष्ट आहे.या प्रयत्नात अटळ पाठिंबा दिल्याबद्दल सर्वोच्च परिषदेचे मनःपूर्वक आभार. आम्ही एकत्रितपणे आमच्या क्रिकेटपटूंसाठी आणखी चांगले वातावरण तयार करत आहोत.
T20 विश्वचषक 2024 च्या अंतिम सामन्यात भारतीय संघाने दक्षिण आफ्रिकेचा 7 धावांनी पराभव करून विजेतेपद पटकावले. भारताने 17वर्षांनंतर टी-20 विश्वचषक ट्रॉफी जिंकली. रोहित शर्मा हा दुसरा कर्णधार ठरला ज्याच्या नेतृत्वाखाली टीम इंडियाने T20 विश्वचषक ट्रॉफी जिंकली.
Edited By – Priya Dixit
